Nola erabili behar da -tzat kasu-marka ts, tz txistukari afrikatuen ondoren? Esaterako, trakets gehi -tzat: trakestzat/traketstzat/trakets-tzat...? Eta -tz gehi -tzat?

Zer ezberdintasun dago -(r)ekin soziatiboaren eta -(e)z instrumentalaren artean? Noiz erabili behar da bata eta noiz bestea?: Labanaz hil zuen / labanarekin hil zuen. Buruz errematatu du / buruarekin errematatu du.

Aditz kopulatiboekin atributu-funtzioa egiten duena adjektiboa bada, hauek nola behar dute, mugatuan ala mugagabean?: Andoni irakasle ona da / Andoni irakasle on da.

Bokatiboak mugatuan ala mugagabean joan behar du?: Ez, mutil! Bai, gizona!

Lekuzko kasuetan nola deklinatzen dira n, l, s, z, tz edo r letraz amaitzen diren herrien izenak? Adibidez, Irun, Madril, Paris, Zarautz, Eibar...

Non aurki ditzaket deklinabideko taula edo eskema orokorrak?

Zer edo zer deklinatzekotan, zelan deklinatuko litzateke: zerk edo zerk, zeri edo zeri?

a) Birdeklinabidearen inguruko zalantza batzuk: Zenbat liburu irakurri dituzu animaliei buruz? ala Zenbat liburu irakurri dituzu animaliei buruzkoak?; Komentario asko entzun dut gai horri buruz ala Komentario asko entzun dut gai horri buruzkoa?

b) Beste esaldi honetan ez daukagu inolako zalantzarik: Irakurri ditudan liburuak maitasunari buruzkoak dira eta ez Irakurri ditudan liburuak maitasunari buruz dira. Ez da hala?

Zuzena al da Zortzi ordu egon naiz zure zain? Ala Zortzi orduan egon naiz zure zain behar du?

Ehunekoak idaztean nola deklinatu behar ditugu: mugagabean ala mugatu singularraren? Adibidez:

Emakumezkoen % 22k idatzi dute.

Emakumezko % 22k idatzi dute.

Emakumezko % 22ek idatzi dute.

Emakumezkoen % 22ek idatzi dute.