Zein da zuzena ‘elkar maite dute’ esateko: batak bestea maite du / batak bestea maite dute / bata bestea maite dute…?
Batak bestea maite du esaldian, egile bat daukagu (Batak) eta jasaile bat (bestea); alegia, subjektu bat (batak) eta objektu bat (bestea), eta ondorioz aditza singularrean ematen da (ez dago elkarrekikotasunik); baina bada elkar izenordainaren balioko bata beste- egitura finkoa ere, eta orobat batak beste- egitura ere. Hartara, maiztasunak gorabehera, egokiak dira beste bi esaldiak ere, biak ’elkar maite dute’ baliokoak: Bata bestea maite dute, Batak bestea maite dute (aditza pluralean).
Hona adibide batzuk OEHtik:
bata beste-
- Agurtu zuten elkar, hitz onak emanaz bata besteari.
- Auzoek bata besteari txandan lagundu beharra izaten zen.
batak beste-
- Batak besteari bizkarra eman zioten.
- Batak besteari egiten dizkieten txakurkeriak.
OEHren arabera, bigarren moldea (batak besteari) ez da oso erabilia, baina hori ere ageri da testuetan Etxeparez geroztik.
Data: 2020-05-14
Informazio gehigarria:
Zalantza-mota: morfologia > mugatzaileak, morfologia > zenbatzaileak
Unitate-mota: hitzak > determinatzaileak, hitzak > izenordainak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.