Hasi aditza izan laguntzailearekin erabili behar da ala erabil dezakegu ukan laguntzailearekin ere?
[EH:hasi] aditza da/du erakoa dela dio Euskaltzaindiaren Hiztegiak; beraz, bi aukerak onartzen ditu. Baina, adibideetan ikus daitekeen bezala, osagaiek agintzen dute haren erabilera:
- Izen-funtzioa betetzen badu (‘Zer hasi?’ galdera dago sakonean), du hartzen du: Lan bat hasi du. Liburu bat hasi dut. Gerra hasi zutenean.
- Bestela, da (‘Zertan/Nola?’ galdera dago sakonean): Lanean hasi da. Liburu bat idazten hasi naiz (*hasi dut). Elkar joka hasi ziren.
Data: 2020-05-14
Informazio gehigarria:
Zalantza-mota: sintaxia > aditza, sintaxia > komunztadura
Unitate-mota: hitzak-aditzak > komunztadura
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.