Entitate batetik informazioa heldu zait, eta bertan, "zertan dautza" esapidea dator idatzita, nik “zertan datza” idatziko nukeen tokian. Ondo al dago hura? Erabil daiteke?

Hiztegi Batuan erraz nekusan hitz baten ordez beste bat hobetsita noiz zegoen. Euskaltzaindiaren Hiztegian, aldiz, ez dut antzematen ongi zein den hobespen-bidea.

Noren ala nongo kasua, zein da egokia honetan?: Maiatzeko Plazako Amak ala Maiatzaren Plazako Amak.

Maiatzaren kasuan, genitiboa denez (edo izenaren osagarria) noren, ezta?

Ongi al dago luzeenatzat?: (...) kontakizun labur batean bidaia luzeenatzat duena kontatzen du...

Zein da hitanoaren eta hikaren arteko desberdintasuna? Gauza bera al dira?

Hedabideetan, askotan, euskal Y-ari "euskal Y grekoa" deitzen zaio. Horrela jartzeari erredundantea deritzot, baina ez nago ziur zelan idatzi behar den: "euskal i grekoa", "euskal Y-a" ala arestian aipatutako "euskal Y grekoa".

Zein da zuzena, galde-sorta ala galde sorta? Sorta, puska eta mota hitzen bidez eratutako hitz elkartuei buruzko jarraibideetan, galde sorta hobesten da, baina Elhuyarrek, adibidez, galde-sorta dakar.

Idazki batean data jartzean, zelan idatzi behar da: Gasteiz ala Vitoria-Gasteiz? Ala bi erak dira zuzenak?

Nola idatzi behar da: Nafarroako Erresuma ala Nafarroako erresuma?

Zentzunak esaten dit letra xehez behar duela erresuma hitzak, izen arrunta den aldetik, baina sarri askotan ikusten dut letra larriz, nonahi.

Zalantza daukat bi esaldi hauen artean: Metro bat eta erdiko goma behar dut mozorroa amaitzeko / Metro eta erdi goma behar dut mozorroa amaitzeko.