(...)
NTM-n eta mapan soroberrieta, eta azken honetan solabierrieta ere bai. Eta dokumentaturik: soraberrieta (1652-1696-1702-1709), soroberrita (1893), soroberrieta (1893), soroberta (1893), sorogerrieta (1893), soroverrieta (1893), sorobarte (1893), soloberta (1893), soroberte (1893), soloberrieta (1915). Soro + berri ematen dituzte osagaitzat NTM-n, ohikoak direla euskal toponimian gaineratuz, baina guri harritzekoa egiten zaigu izenondoaren azken bokala galtzearena morfema eratorlea eransterakoan. Bestalde, soro + berta osagaiek ere izango lukete zentzua, herri gunetik oso hurbil dagoen eremua baita. Honetaz gain, garai batean norbait non egon zitekeen galdetu eta erantzuna ez genekienean, fandalaberta-n (joan + dela + berta) zegoela esaten zen.
(...)