1. Talentuen parabola ilustratzen duen grabatua.
Egilea: Jan Luyken (1649 - 1712).
Miretsiko duzue agian nik, Euskal Herriko ez naizelarik, euskaraz izkiriatzeko ausartziaren hartzea. Baina baldin kontsidera badadi, edirenen duzue ez dela gauza honetan ausartziarik, eta ez zer miretsirik; aitzitik, bertzela egin banu miretsi behar zitekeela, eta erran ahantzi zaidala neure eginbidea. Zeren Jainkoak niri hizkuntza honen ikasteko antze apur bat eman didanez gero, iduritzen zait hoben nukeela, eta are ezagutza gutitako eta esker gabe izanen nintzela, baldin Euskal Herrian ikasia Euskal Herriko probetxutan enplegatu ez banu.
Ebanjelioko zerbitzari alfer hura gaztigatu zuen bere nagusiak, zeren irabazia erabiltzeko errezibitu zuen talentua eta dirua estalia eta ehortzia eduki zuen. Handik izan naiz ni ere beldur hala gerta zekidan, baldin euskaraz mintzatzeko erdietsi dudan talentua eta jakintza probetxu gabe, eta arima-irabazian enplegatu gabe, ehortzia eta gordea edukitzen banuen.
ZENBAITEN ARTEAN (2017). Esteve Materraren doctrina christiana (1617&1623). Edizioa eta azterketa. Euskararen lekukoak 28. Bilbo: Euskaltzaindia - Euskal Herriko Unibertsitatea. (40-41).
IKUS HAU ERE
Esteve Materra Susa argitaletxearen “Literaturaren Zubitegia” webgunean.
Irudiak
- Phillip Medhurst,
, via Wikimedia Commons. Lan hau Free Art Licence-ren mende dago. - Aziti Bihia, via Wikimedia Commons
This file is licensed under the Creative Commons Attribution-Share Alike 3.0 Unported license.
