![](/dok/testu-bankua/literatura/002/images/image9.jpg)
1. Euskal Lore Jokoen afixa, Donibane Lohizune, 1892. Elkarrekin ageri dira, lehen aldiz, “Zazpiak bat” goiburua eta zazpi herrialdeen ezkutuak batzen dituen armarria.
1/ Zazpi aizparen gai dan oiala
ebakirikan erditik,
alde batera iru soñeko,
utzirikan lau bestetik;
goraiziakin berezi arren
bakoitza bere aldetik,
ezagutzen da jantzi dirala
zazpiak oial batetik.
2/ Oialtzat artu zagun euskera,
goraizitzat Bidasoa,
ibai koxkor bat besterik ez da,
utsa balitz itsasoa;
elkarren urbill daude zazpiak,
muga deitzen da Pausoa,
zergatik izan bear ez degu
famili bakar osoa?
3/ Arbola baten zañetatikan
sortzen diran landariak
bezela gera, Bidasoaren
bi aldetako jendiak;
berdiñak dira gure jatorri,
oiturak eta legiak,
Ama Euskerak magal berian
azitako senidiak.
4/ Ama Euskera! Bere semeak
gu Ameriketan zenbat
arkitzen geran! Ta urrutitik
maitiago degu anbat;
emen ez dago Bidasoarik
ta beste trabik an ainbat,
Ama maitia indartu dedin
bizi bedi «Zazpiak Bat».
Lehen argitaraldia: OTAÑO, Pedro Mari (1904). Alkar. Poesías escogidas de Pedro M. Otaño (en idioma éuskaro). Buenos Aires: Tipografía La Baskonia, Victoria 1088.
Hemengo bertsioa: OTAÑO, Pedro Mari (1994). Bertso guziak. Donostia: Auspoa Liburutegia 218. (189-190).
![](/dok/testu-bankua/literatura/002/images/image3.png)
![](/dok/testu-bankua/literatura/002/images/image7.png)
![](/dok/testu-bankua/literatura/002/images/image1.png)
![](/dok/testu-bankua/literatura/002/images/image4.png)
![](/dok/testu-bankua/literatura/002/images/image2.png)
![](/dok/testu-bankua/literatura/002/images/image8.png)
IKUS HAU ERE
Alkar. Otaño´tar Pedro Mariren olerki onenak, Iñaki Deunaren irakorla, Donostia, 1930.
Pedro Mari Otañoren oroimenak [eskuizkribua].
Pedro Mari Otaño Susa argitaletxearen “Literaturaren Zubitegia” webgunean.
EUZKITZE, Xabier (2010). Pedro Mari Otaño. Bidegileak bilduma. Gasteiz: Eusko Jaurlaritzaren Argitalpen Zerbitzu Nagusia.
Irudiak
1. Jean Jaurgain, , via Wikimedia Commons.
2. Iñaki LL, , via Wikimedia Commons.
3. , via Wikimedia Commons.
5, 6 eta 7. , via Wikimedia Commons.