![](/dok/testu-bankua/hizkuntza/012/images/image4.png)
1. Juan Jose Alkain “Udarregi”ren arrastoak, haren etxe Artikulaundiko horma batetik igeltsuan hartuak.
Juan Jose Alkain “Udarregi” bertsolariak ez zekien irakurtzen eta idazten. ondoren piztu zen sesioan, kontrarioek beren paperetan ziotena jakingo bazuen, aldameneko baserrira, Artikulatxikira, joaten omen zen, papera irakur ziezaioten.
Nola, bada, argitaratzen zituen bertsopaperak? Hona zer dioen Mateo Landa Alkain Udarregiren bilobak:
"Nik ez nuen nire aitona ezagutu: nire arreba Dominika zenak bai. Eta honela esaten zuen:
Bertso sumatzen, bere gisa, garia jotzeko kuartoan aritzen zen; eta, bertsoa sumatu ahalean, teila-puska batekin paretan arrastoa egiten zuen. Kuarto guzia arrastoz betea zeukan.
Gero, Usurbilgo organista zan Jose Txiki (Jose Aranburu) etortzen zitzaion. Garia jotzeko kuartora joaten ziren; eta han, arrastoen aurrean, Udarregi lehen sumatutako bertsoak esaten hasten zen, eta Jose Txiki eskribitzen. Gero, honek betetako papera inprentara eramaten zuten.
Arrastoak berdintsuak ziren, baina gure aitonarentzat izango zuten diferentziaren bat.
Aitona arrastoak egiten ikustean, honela esaten omen zion gure arrebak:
—Aitona, nik egingo diot arrastoa!
Eta hark:
—Mila aingerua! Utzidazu, umea! Zoaz, gaixo hori, hemendik!
Makina bat aldiz kontatzen zuen gure arreba zenak".
* * *
Baina, Jose Txikik joaterik ez zeukanean-edo, Udarregi bera jaisten zen Usurbila, eskuan makila bat hartuta; eta paretako arrastoak makilan ekartzen zituen. Eta makilari begira esaten zizkion bertsoak Jose Txikiri.(1)
(1) Jose Ramon Alzaga. Olarrondo. Usurbil.
![](/dok/testu-bankua/hizkuntza/012/images/image2.png)
ZAVALA, Antonio (1994). Udarregi bertsolaria. Donostia: Auspoa Liburutegia 56, Sendoa. (57-58).
![](/dok/testu-bankua/hizkuntza/012/images/image6.jpg)
![](/dok/testu-bankua/hizkuntza/012/images/image5.jpg)
![](/dok/testu-bankua/hizkuntza/012/images/image7.png)
Argazkia: Arturo Delgado Martínez.
![](/dok/testu-bankua/hizkuntza/012/images/image1.png)
Argazkia: Arturo Delgado Martínez.
Irudiak
- Usurbil 1371-1971, Usurbilgo Udala, L. G. 1975.
- BDB Bertsolaritzaren datu-basea.
Lan hau Creative Commons Aitortu Partekatu Berdin 4.0 lizentzia baten mende dago.
- Theklan, via Wikimedia Commons.
Lan hau Creative Commons Aitortu Partekatu Berdin 4.0 lizentzia baten mende dago.
- Kutxa Fototeka / KUTXATEKA / Arturo Delgado Martinez funtsa / Arturo Delgado Martinez. Identif.: 18720860.
- Kutxa Fototeka / KUTXATEKA / Arturo Delgado Martínez funtsa / Arturo Delgado Martínez. Identif.: 66470809.