1. Nafarroa Behereko soka-dantza. Joseph-Antoine Cerviniren Voyage pittoresque dans les Pyrénées françaises-eko VIII. plantxaren xehetasuna, 1826.
Ilustratzailea: Antoine-Ignace Melling. Bibliothèque municipale de Toulouse.
Euskara,
jalgi hadi kanpora.
Garaziko herria
benedika dadila,
euskarari eman dio
behar duien tornuia.
Euskara,
jalgi hadi plazara.
Bertze jendek uste zuten
ezin eskriba zaiteien;
orai dute forogatu
enganatu zirela.
Euskara,
jalgi hadi mundura.
Lengoajetan ohi hintzan
estimatze gutitan;
orai aldiz hik behar duk
ohoria orotan.
Euskara,
habil mundu guzira.
Bertzeak oro izan dira
bere goien gradora;
orai hura iganen da
bertze ororen gainera.
Euskara.
Baskoak orok preziatzen,
euskara ez jakin arren,
orok ikasiren dute
orai zer den euskara.
Euskara.
Oraidano egon bahiz
inprimitu bagerik,
hi engoitik ebiliren
mundu guzietarik.
Euskara.
Ezein ere lengoajerik,
ez frantsesa ez bertzerik,
orai ez da erideiten
euskararen parerik.
Euskara,
jalgi hadi dantzara.
ETXEPARE, Bernart (1995). Linguae Vasconum Primitiae. [Patxi Altunaren hitzaurrea]. Bilbo: Euskaltzaindia. (116-117).
Frantziako Liburutegi Nazionala. Iturria: Source gallica.bnf.fr / BnF.
KANTAREN BESTE BERTSIO BATZUK
Xabier Lete, Xabier Lete, Elkar, 1974.
Oskorri, Mosen Bernat Etxepare, 1545, CBS, 1977.
IKUS HAU ERE
Bernart Etxepare Susa argitaletxearen “Literaturaren Zubitegia” webgunean.
