![](/dok/testu-bankua/abestiak/011/images/image3.png)
1. Infanteria nafarra. Egilea: Fernando Miranda. Álbum de las tropas carlistas del norte [Material grafikoa], 1844. Album osoa, hemen.
![](/dok/testu-bankua/abestiak/011/images/image5.jpg)
1/Mutill koxkor bat itxu aurreko
zubela aldamenian,
gizon buru soil, bizar zuri bat,
bi makuluren gañian,
kale eskiñan ikusi nuben
iñora eziñ joanian;
ta bera nor zan jakiñ nayian
inguratu nintzanian,
limosnatxo bat eskatu ziran
Jainkuaren izenian.
2/ Zerbait emanaz galdetu niyon,
al zan modu onenian,
jaiotzatikan al zeukan ala
gaitzak artuba mendian;
erantzun ziran: «Ez, semia, ez;
nik sasoia nubenian,
ez nuben uste iritxitzerik
onetara azkenian...
Gaur limosna bat eskatutzen det
Jainkuaren izenian».
3/ Eta segitu zuben esanaz:
«Lengo gerrate denian
ni aurren xamar ibiltzen nintzan
beti edo geienian,
nekatu gabe aisa igoaz
aldapik luzienian;
etzan burura asko etortzen
gu ala gebiltzanian,
gero limosna eskatutzerik
Jainkuaren izenian.
4/ Odolak bero eta buruba
arrua daguenian,
edozeiñ moduz sartutzen da bat
alako itxumenian;
atsekabe ta negar samiñak
badatoz ondorenian;
nola ere bait batek biziya
utzitzen ez dubenian,
limosnatxo bat eskatu biar
Jainkuaren izenian.
5/ Iñoiz pentsatzen nere artian
ni jarritzen naizenian,
gaur ere asko dirala joango
lirakenak zuzenian,
ez luke iñork sinistatuko
zer pena ematen dian.
Ai!, orla nintzan ni ere sano
ta gazte nenguenian ...
Gaur limosna bat eskatutzen det
Jainkuaren izenian.
6/ Ai!, txorakeri asko egiten
da zentzurik ez danian,
sinista zazu ur au pasia
daukanaren esanian;
obiago da sasoi dan arte
saiatutzia lanian,
negar egiñaz ibilli gabe
gero denbora joanian,
limosnatxo bat bildu eziñik
Jainkuaren izenian».
Lehen argitaraldia: OTAÑO, Pedro M. (1904). Alkar. Poesías escogidas de Pedro M. Otaño [en idioma éuskaro]. Buenos Aires: Tipografía La Baskonia , Victoria 1088.
Hemengo bertsioa: ZAVALA, Antonio [bizitzaren egille eta bertsoen biltzaille] (1993). Pedro Maria Otaño eta bere ingurua I. Sendoa. Donostia: Auspoaren Sail Nagusia. (381-382).
![](/dok/testu-bankua/abestiak/011/images/image2.jpg)
![](/dok/testu-bankua/abestiak/011/images/image4.jpg)
ERREFERENTZIAK
(1) ZAVALA, Antonio [bizitzaren egille eta bertsoen biltzaille] (1993). Pedro Maria Otaño eta bere ingurua I. Sendoa. Donostia: Auspoaren Sail Nagusia. (385).
IKUS HAU ERE
Alkar. Otaño´tar Pedro Mariren olerki onenak, Iñaki Deunaren irakorla, Donostia, 1930.
Pedro Mari Otañoren oroimenak [eskuizkribua].
Pedro Mari Otaño Susa argitaletxearen “Literaturaren Zubitegia” webgunean.
EUZKITZE, Xabier (2010). Pedro Mari Otaño Bidegileak bilduma. Gasteiz: Eusko Jaurlaritzaren Argitalpen Zerbitzu Nagusia.
Irudiak
1. Irudian kopiatzen den jatorrizko obra Bizkaiko Foru Liburutegia/Biblioteca Foral de Bizkaia erakundearen funts bibliografikoetakoa da eta bere jabetzakoa da. BFAk merkataritzakoa ez den erabilera baimentzen du.
2. Familiak emandako argazkia. Joxinazkue, via Wikimedia Commons Lan hau Creative Commons Aitortu Partekatu Berdin 4.0 lizentzia baten mende dago.
3. Koldo Mitxelena Kulturuneko Liburutegia-Gipuzkoako Foru Aldundia. https://kmk.gipuzkoa.eus/eu/liburutegia .
4. http://hdl.handle.net/10690/107262. Lan hau Creative Commons Aitortu Partekatu Berdin 4.0 lizentzia baten mende dago.