![](/dok/testu-bankua/hizkuntza/005/images/image1.png)
Jose Migel Iztueta “Lazkao Txiki” soldaduska garaian.
Bidegileak bilduma.
Nik ez dut eskola handirik. Hala ere, Afrikan soldaduska egiten ari nintzela, banuen soldadu lagun bat, Kordoba probintziakoa, ez hiriburukoa, idazten eta irakurtzen ez zekiena. Batean esan zidan:
—Oye, Iztueta: ¿ya me escribirías, por favor, las cartas?
—Con mucho gusto. No tengo mucha escuela, pero ya te haré ese favor.
Egun batean etorri zaio andregaiaren eskutitza. Ez zuen nahi izaten inor enteratzerik, baina nik irakurri behar.
Badakizue zer egin zuen? Ni mahaian eserarazi ninduen, baxoerdi bat ardo emanda; eta bera nire atzean zutik jarri, niri belarriak tapatuz, ni ez enteratzeagatik.
Irakurtzen bukatu nuenean, bera pozik lagatzeagatik esan nion:
—¿Qué te dice la novia?
—¡Jo! ¡Me quiere más!...
Hark ni ez nintzela enteratu uste zuen.
LAZKAO TXIKI (1994). Gertaerak eta txisteak. Donostia: Auspoa Liburutegia 222. (38-39).
IKUS HAU ERE
AZURMENDI, Nerea (2008). Jose Migel Iztueta “Lazkao Txiki”. Bidegileak bilduma. Gasteiz: Eusko Jaurlaritzaren Argitalpen Zerbitzu Nagusia.