![](/dok/testu-bankua/abestiak/001/images/image4.png)
1. Norteko 6103 lokomotora Pajaresko mendatean 1930 inguruan.
![](/dok/testu-bankua/abestiak/001/images/image2.jpg)
1/ Naparrua'tik ardo-karraio
itzai asko zan ikusi,
prankok bazauzkan koskorrak
beren kollare ta guzi;
zurezko ardatzak lumerarekiñ
al zan maizena iyurtzi;
denbora artan Pantorrill zuten
karreteruen nagusi.
2/ Garai artako itzai koskorrak
ongi zebiltzan lanian,
Gipuzkua'n da Bizkai aldian
da Euskalerri danian,
gorputzak bapo gobernatuaz
da janian;
akabo oien jornal-
trena etorri zanian.
3/ Aditu zituztenian trenen
txistua eta marruak,
geientxuenak saldu zituzten
iriyak eta karruak,
esanaz: «Orrek jetxiko dizkik
goi oitan diran arduak».
Garai artako aien abarkak
ziran basurde-larruak.
4/ Milla zortzireun irurogei ta
zazpigarrengo urtian,
lenengo trena ikusi nuen
Españia'ko partian,
bire pixka bat bistan pasa ta
iñoiz sartua lurpian;
perra berriyak erantxi dizte
andikan orañ artian.
5/ Modu orretan jarri zuenak
Norteko ferrokarrilla,
jakinduriya aundiya zuen,
entendimentu abilla;
gizonik eziñ asi liteke
zaldi obiaren billa:
goizian irten lrun'dik eta
illuntzerako Madrilla.
6/ Danak alkarri lagun zaiogun
illundu gabe kopetik,
indar aundiyan dijuala're
gelditutzen da kolpetik;
iñor ezertaz biartzen bada
Donostiya'ra Madritik,
izugarrizko adelantua
jarriya dago Nortetik.
7/ Linea orrek badauka zenbait
tunel, zubi ta erriyo,
bi birerekiñ ipiñi dute
sekulan baño berriyô,
eletrikako indarra eta
oinbeste guardarrayo;
gau eta egun gelditu gabe
beti zerbaiten karrayo.
8/ Trenera lasai balijuake
egiñagatik zartzera,
iyo-biriak ederrak dauzka,
kotxian aixa sartze'a;
amar legua bire pasa ta
ordu beteko etxera,
lengo segunda beziñ ederra
dago oraingo terzera.
9/ Eseri-alki ederrak eta
beste gauza bat on-ona:
ezertarako biartzen bada
kotxe bakoitzak komona;
lenguan antxen ikusi nuen
larogei urteko amona,
frantzes euskaldun buru-zuri bat,
Bentaberri'ko Moñoña.
10/ Karbonerarik ez dute biar,
fogonerorik ain gutxi;
or biar dana: begiyak ernai
eta llabiari eutsi;
abiyatzian iriki eta
allegatutzian itxi,
gau eta egun gelditu gabe
dabill txistu ta irrintzi.
11/ Gizon abilla zan eletrika
sortu zuben maisu ori,
piska-piska bat arrek graduak
bajatu zizkan subari;
orañ indarra leku askotan
kendutzen zaio urari,
garai batian merke zan baño
gaur baliyo du ugari.
12/ esanaz ur irakiñak
egiten zuen negarra:
«Prezisua al da beti kalderan
kiskaltzen egon biarra?
Ez daukat beste alimenturik:
suba, kia ta txingarra;
ongi miatzen baldin banazu
otzian badet indarra».
13/ Berari beira jarri zitzaion
zabaldurikan besuak,
arrazoi ori ontzat artu du
eletrikako maisuak:
«Badakit zure gau ta egunak
dirala lastimosuak,
ori egiya esan badezu
itzaliko dia suak».
14/ Nere munduko jakinduriya
izan da oso azala,
Jangoikuari eskatzen diyot
arren argitu nazala;
garai batian ez genekiyen
eletrikarik bazala,
orañ ur otzak dabillki trena
len irakiñak bezela.
![](/dok/testu-bankua/abestiak/001/images/image1.jpg)
Aurreneko aldiz hemen argitaratuak: Bertsolariya, 7. zenb., 1931ko azaroaren 1a.
ZAVALA, Antonio (1992). Txirrita. Jose Manuel Lujanbio Retegi (1860-1936). Bizitza eta bertsoak. Sendoa liburutegia. Donostia: Auspoaren Sail Nagusia. (468-469).
IKUS HAU ERE
OLAIZOLA, Juanjo (1996). Bertan 10. Gipuzkoako trenak. Donostia: Gipuzkoako Foru Aldundia, Kultura eta Euskara Departamentua.
Jose Manuel Lujanbio “Txirrita” Susa argitaletxearen “Literaturaren Zubitegia” webgunean.
Irudiak
1. Wikimedia Commons. Lan hau Creative Commons Aitortu-EzKomertziala-PartekatuBerdin 3.0 Nazioartekoa lizentzia baten mende dago.
2. Zumalakarregi Museoa, http://www.gipuzkoa.eus/ Lan hau Creative Commons Aitortu-PartekatuBerdin 4.0 Nazioartekoa lizentzia baten mende dago.
3. Iturria: Zumalakarregi Museoa, http://www.gipuzkoa.eus/ Lan hau Creative Commons Aitortu-PartekatuBerdin 4.0 Nazioartekoa lizentzia baten mende dago.