Akademiak "euskararen zaintzan eta erabileran egindako lan eskerga" nabarmendu dute Radio Bilbaoko arduradunek.
Sari-ematea datorren asteartean izango da, apirilak 17 dituela, Bilboko Alhondegian, 19:00etan.
Andres Urrutia (euskaltzainburua): "Euskaltzaindiarentzat ohore bat da sari hau jasotzea. Oraingo eta iraganeko euskaltzainen izenean jasoko dugu, esker onez. Bostehun eta zenbait inguru euskaltzainek (88 oso, 102 ohorezko eta 457 urgazle) osatu dute historian zehar Akademia, eta osatzen dugu egun ere, erakundearen langileekin eta herriarekin batera, halako errealitate sendo eta esanguratsua osatzen dugula, euskara edonon aldezteko eta aldarrikatzeko, euskarari buruzko ikerkuntza eta jagote lana bilduz eta bateratuz, pentsamolde desberdineko kideen bitartez. XXI. mendean jarri ditugu oinak, gaur egungo euskal gizartearen eskakizunei erantzuteko, zorrotz eta prestutasunez".
Juan Mari Aburto Bilboko alkateak eta Andres Urrutia euskaltzainburuak urtebeterako luzatu dute euskara sustatzeko indarrean dagoen erakunde bien arteko lankidetza-hitzarmena. Hitzarmen hori duela hamar urte baino lehenago sinatu zen aurrenekoz eta ordutik urtero berresten da.
Honela, Bilboko Udalak 35.500 euroko diru-laguntza emango dio Akademiari, euskal literaturaren ikaskuntza sakona bultzatzeko, hizkuntza-aholkularitza bermatzeko eta hirian euskararen erabilera sustatzeko.
Hitzarmen honen helburuak dira, batetik, euskara eta euskal kultura sustatzeko jarduerak egitea Euskaltzaindiaren egoitzan, eta, bestetik, Bilborekin eta euskararekin lotura duten pertsona esanguratsuen lanak eta biografiak argitaratzea. Aurten, Xabier Kintana Euskaltzaindiko idazkariaren biografiari ekingo zaio.
Andres Urrutia: “Egunero-egunero, une gozo zein zailetan, euskal kultura eta euskararen alde jardun izan du Euskaltzaindiak, eta hasiera-hasieratik alboan izan du Bilboko Udala”.
Pazko astelehenez eta eguraldia lagun, lan berri bat aurkeztuko du gaur Euskaltzaindiak Sarako Idazleen Biltzarrean: 'Euskal Elkargoaren sortzea eta euskararen geroa'. 2016ko azaroan, Euskaltzaindiko Sustapen batzordeak Baionan egindako Jagon jardunaldiko txostenak biltzen ditu lan honek.
Jean-Baptiste Coyos Euskaltzaindiko Jagon sailburuak prestatu du liburukia, eta gaurko prentsaurrekoan esan duenez, "ondorengo urteetan Ipar Euskal Herriko euskalgintzak eman beharreko pausoak biltzen ditu, duela bi urte Jagon jardunaldietan irudikatu zirenak". Eta nabarmendu ditu liburukian datozen artikuluetako batzuk, tartean, Sagrario Aleman euskaltzain nafarraren Geroa euskaldunago, Kontseiluko Argitxu Etxandiren Euskararen estatusa: legezko koadroa eta aukerak, edo Allande Socarros Zuberoako Herri Alkargoko euskara arduradunaren Ipar Euskal Herrian euskararentzako erronka berriak.
2016ko Jagon jardunaldi hartan Euskaltzaindiak eta Euskal Konfederazioak elkarrekin eginiko adierazpena ere badakar liburuki berriak (Ipar Euskal Herrian euskara galzoritik atera eta indarberritzeko-bidean paratzeko).
Gainera, aurten Koldo Zuazo euskaltzain urgazlea omendu du Sarako herriak, azken bost urteotan bertako euskararen alde eginiko lanagatik. Besteak beste, Zuazok herrian jasotako hitz eta erran-zaharrak bildu ditu Sarako euskara ikerlanean.
(Koldo Zuazo, Sarako auzapezarekin)
Apirilak 2 dituela, Pazko astelehenez, lan berri bat aurkeztuko du Euskaltzaindiak Sarako Idazleen Biltzarrean. 2016ko azaroan, Euskaltzaindiko Sustapen batzordeak Baionan egindako Jagon jardunaldiko txostenak biltzen ditu lan honek.
12:00etan da hitzordua eta prentsaurrekoan parte hartuko dute Xarles Videgain euskaltzainburuordeak eta Jean-Baptiste Coyos Akademiako Jagon sailburuak.
Bestelako lanak ere izango dira Euskaltzaindiaren erakusmahaian. Besteak beste, Esteve Materraren Do(c)trina Christiana (1617) liburuaren edizio kritikoa eta Iñaki Caminoren Amiküzeko (h)euskara ikerlana.
Egitarau zabala izango du aurtengo aldiak, eta Sarako Biltzarrean izango da, baita ere, Txomin Peillen euskaltzaina. Jose Anjel Irigaraik gidatutako mahai-inguruan parte hartuko du, Eric Dicharry eta Eneko Bidegainekin batera. Ondoren, Koldo Zuazo euskaltzain urgazleari omenaldia egingo dio Sarako Udalak, herriko saria emanez.
Errege-erreginen izenak idazteko irizpideak eta gomendioa eman ditu Euskaltzaindiak 186. arauan.
- Esteve Materraren 1617ko liburuaren edizio kritikoa argitaratu dute UPV/EHUk eta Euskaltzaindiak
- Mendeurrenaren logotipoak lau haizeetara zabaldu nahi du Euskaltzaindiaren nahia
- Mendeurrenaren aurkezpenean, 'Dei zabala euskal gizarteari' (Andres Urrutiaren hitzaldia)
- Euskararekin, euskal kulturarekin eta euskal gizarte osoarekin duen konpromisoa berriztatzeko baliatu nahi du Mendeurrena Euskaltzaindiak