Pasa den larunbatean, Euskararen Lagunak elkarteak Euskararen Eguna ospatu zuen Miranda Argan, Nafarroan.
Hainbat ekitaldiren artean, ipuin laburren sariketa antolatu zuten, eta Euskaltzaindiak liburu sorta batzuk eman zizkien antolatzaileei, sariketaren irabazleen artean opari moduan banatzeko.
Adierazpen izendatzaileen deklinabidea (183. araua) argitaratu du Euskaltzaindiak.
Leku-izenak edo pertsona-izenak ez diren izen(dapen) berezi asko daude, halakoez inguratuta gaude. Eta halakoak nola deklinatu argitzeko prestatu du araua Akademiak.
Arauan luze eta zabal aztertzen dira horrelako izen(dapen)ak, eta deklinatzeko irizpideak zehazten. Asmo didaktikoz egina dago; horregatik, adibide ugari ematen dira.
Deskribapen zabal eta xeheaz gainera, arauaren azken atalean laburbildurik ematen da aurreko ataletan zabalago landutako guztia.
Exonomastika batzordea
Iruñeko alkatearekin egon da 'Plazaberri', Udal gobernu berriak euskararen alorrean ezarritako aldaketak ezagutu eta, bide batez, etorkizuneko asmoei buruz hitz egiteko. Historialari, irakasle eta politikari nafarrak gogotsu hartu du erronka, eta aitortu du egunero saiatzen dela "iruindar guztien alkatea izaten".
Beste adierazpen batzuk:
"Iruñean, biztanleriaren %37,6k du euskararen erabilera sustatzearen aldeko jarrera".
"Euskarazko udal kultur eskaintza bikoiztu egin da".
"Giro mediatikoak ez du gobernuaren lana baldintzatzen, nahiz eta egia den eragina baduela eta, sarritan, egiten dugun lanean baino, aspektu periferikoetan zentratzen dela eztabaida publikoa".
"Aukerak zabaltzea ezin da inposizioa izan".
"Euskaltzaindia euskararen garapen eta babeserako dugun tresna garrantzitsuenetakoa da".
Euskaltzaindia Bilboko Liburu Azokan egongo da, bihartik hasi eta ekainaren 11 bitarte. Azoka honetan, liburu guztiek izango dute deskontua: %10ekoa, hain zuzen.
Hona hemen Akademiak salgai jarriko dituen lanetako batzuk: 'Euskaltzaindiaren Hiztegia. Bigarren argitaraldia'; 'Euskararen Historia Soziala lantzeko eredu metodologikoa'; 'Piarres Larzabalen antzerkigintza (1950-1982)'; 'Gorbeia inguruko etno-ipuin eta esaundak II'; 'Euskal literaturaren Antologia 1. Erdi Arotik Errenazimentura'; edo Gabriel Arestiren 'Harri eta Herri'-ren edizio berrikusia.
Munduko dinastien izenak araua (182.a) argitaratu da, Euskaltzaindiak 2017ko urtarrilaren 27an onartua. Arauak bi atal ditu:
Lehenengo atalean, munduko dinastien izenak euskaraz izendatzeko irizpideak zehazten dira. Horretarako, kontuan hartzen da zer dagoen dinastiaren jatorrian: pertsona-izen bat, leku-izen bat edo izen arrunt bat. Horren arabera erabakitzen da, tradizioak edo azken urteetako erabilerak finkatutako izenik izan ezean, izen eratorria erabiltzea (adibidez, Akemenes pertsona-izenetik akemenestarrak izeneko dinastia sortu zen) edo mailegatzea, jatorri-izenetik abiatuta sortzen den dinastia-izena gure kultura-ingurunean erabiltzen den izenaren formatik urrun gelditzen bada (adibidez, Nasr pertsona-izenetik narstarrak izeneko dinastia-izena atera beharrean, nazariak izena mailegatzea hobesten da).
Bigaren atalean, dinastia-zerrendak ematen dira, bost multzotan banatuta: Antzinateko dinastiak (seleukotarrak, sasandarrak...), Erromatar Inperioko dinastiak (antoninotarrak, flaviotarrak...), Bizantziar Inperioko dinastiak (komnenotarrak, paleologotarrak...), Europako dinastia nagusiak (estuardotarrak, borboiak, kapetarrak...) eta islamaren eremuko dinastia nagusiak (abentzerrajeak, alauiak, banukasitarrak...). Guztira, 107 dinastia-izen ematen dira.
Exonomastika batzordea
- "Uxela' zuen eta gure ametsak bete balitez belaunaldi gutxi batzuetan"
- Joseba Asiron Iruñeko alkatearekin izan dira euskaltzainak
- Helsinkiko Unibertsitateko Contextualizing Historical Lexicology kongresuan izan da Euskaltzaindia
- Herri-erakundeek hizkuntza politikaren arloan dituzten lankidetza aukerak aztertuko dira ekainaren 14an, Bilbon